Georgian's Weapons

ბორის თათეშვილი

ბორის ამირანის ძე თათეშვილი დაიბადა 1965 წლის 21 სექტემბერს ადიგენის რაიონის სოფ. არალში. 1990 წელს დაამთავრა საქართველოს სასოფლო-სამეურნეო ინსტიტუტი ინჟინერ-მექანიკოსის სპეციალობით. 1990 - 2002 წლებში მუშაობდა ახალციხის სამშენებლო ტრესტში ინჟინერ-მექანიკოსად. ამჟამად მუშაობს გაეროს განვითარების პროგრამის ახალციხის ოფისში.

1995 წლიდან მუშაობს ხეზე და ლითონის ჭედვაზე. მჭედლობისადმი ინტერესი დაიწყო ძველი იარაღის კოლექციით და მჭედლობის უძველესი ტრადიციების შესწავლა-აღდგენის სურვილით. ამ მიზნით ხვდებოდა სამცხე-ჯავახეთში მცხოვრებ უხუცეს მჭედლებსა და შეისწავლა მჭედლობის სხვადასხვა ტექნოლოგიები, რომლებიც ფაქტიურად უკვე დავიწყებას იყო მიცემული.

ამჟამად თანდათან დახვეწა ტექნოლოგია და ამზადებს საბრძოლო და სანადირო დანიშნულების ფოლადის დანა-ხანჯლებს, საბრძოლო და სარიტუალო ნაჯახებს, ძველი ბრინჯაოს ხანის კოლხური ნიმუშების მიხედვით; აგრეთვე ბაწარაულ-გრეხით ნაჭედ დანებს.

ამჟამად დამზადებული აქვს ოცამდე ნიმუში.

მიღებული აქვს მონაწილეობა ამერიკული ა/ო CHF-ის მიერ ორგანიზებულ ხალხური რეწვის ოსტატების გამოფენაში.

ჯერ-ჯერობით მოსწავლეები არ ჰყავს შესაბამისი ფართის უქონლობის გამო, მაგრამ მომავალში აუცილებლად აპირებს სპონსორების მოძიებას, რათა გააფართოვოს საქმიანობა და შეასწავლოს ახალგაზრდებს უკვე დავიწყებას მიცემული ხელობა.

ბორის თათეშვილი
მისამართი: საქართველო, ახალციხე 0800, მანველიშვილის ქ. 16
ტელეფონი: +995 599 95 91 41
ელ-ფოსტა: borisknives@gmail.com

სატყავებელი დანა, 2005 წ. მთლიანი სიგრძე: 23 სმ; პირის სიგრძე: 11 სმ; სიგანე: 2,5 სმ. ბაწარაული, ხელით ნაჭედი, სახელური - არყის ხის კორძი, ინკრუსტაცია ვერცხლით.

სანადირო დანა, 2005 წ. მთლიანი სიგრძე: 25 სმ; პირის სიგრძე: 16 სმ; სიგანე: 3,2 სმ. ბაწარაული, ხელით ნაჭედი, სახელური - ვაშლის ხის კორძი, ინკრუსტაცია თითბერით.

კოლხური ცული, 2005 წ. მთლიანი სიგრძე: 40 სმ; პირის სიგრძე: 17 სმ. ფოლადი - 65 Г, ხელით ნაჭედი, წრთობა, თერმული დამუშავება, სახელური - კაკალი, ინკრუსტაცია მელხიორით.

აღმოსავლური დანა, 2000 წ. მთლიანი სიგრძე: 30 სმ; პირის სიგრძე: 18 სმ; სიგანე: 3,2 სმ. ფოლადი - ШХ 15, წრთობა, თერმული დამუშავება, სახელური - კაკალი, ინკრუსტაცია მელხიორით.

საჩეხი დანა, 2002 წ. მთლიანი სიგრძე: 29 სმ; პირის სიგრძე: 17 სმ; სიგანე: 3 სმ. ფოლადი - ШХ 15, წრთობა, თერმული დამუშავება, სახელური - კაკალი, ინკრუსტაცია მელხიორით.

სანადირო დანა, 2005 წ. მთლიანი სიგრძე: 28 სმ; პირის სიგრძე: 16 სმ; სიგანე: 3 სმ. ფოლადი - 65 Г, ხელით ნაჭედი, წრთობა, თერმული დამუშავება, სახელური - კაკალი, ინკრუსტაცია მელხიორით, პირის გრავირ

კოლხური ცული, 2005 წ. მთლიანი სიგრძე: 28 სმ; პირის სიგრძე: 16 სმ. ფოლადი - 65 Г, ხელით ნაჭედი, წრთობა, თერმული დამუშავება, სახელური - კაკალი, თუთა, არყის ხის კორძი, ინკრუსტაცია - მელხიორი, თითბერი, პირის გრავირება.